Day4【 京都府：伏見稲荷 】2014-12-8 [值得嚟嘅程度 LEVEL 11/12]
伏見稲荷千鳥居果然氣勢非同凡響，入咗伏見稲荷迴廊，一個個排住嘅鳥居，感覺好得意。上到山頂望落個市中心嘅地方簡直係靚絕。
自己係一個普通嘅香港打工仔，趁後生三十歲前，自己無咩負擔嘅時候，訂立一個目標去，兩年時間內 (12/2014 - 12/2016) ，分開17次時間，唔識日文情況下，自己一個人遊歷日本47個道道府縣，日後時間都可以令自己回味。
☞ http://ao37182.pixnet.net/blog/post/213131848
| 值得嚟嘅程度 | 按進入以連結有更多介紹 |
| Level 10/12 | 大阪府：難波 / 心斎橋 / 日本橋 |
| Level 10/12 | 京都府：宇治川 |
| Level 09/12 | 京都府：大原 |
| Level 11/12 | 京都府：伏見稲荷 |
| Level 10/12 | 京都府：鞍馬山 |
| Level 12/12 | 滋賀県：余呉湖 / 琵琶湖 |
| Level 11/12 | 京都府：天橋立 |
| Level 07/12 | 京都府：伊根の舟屋 |
| Level 10/12 | 京都府：嵐山 |
| Level 10/12 | 岡山県：岡山後楽園 |
| Level 08/12 | 島根県：出雲大社 |
| Level 12/12 | 鳥取県：鳥取砂丘 |
| Level 10/12 | 山口県：秋芳洞 / 秋吉台 |
| Level 12/12 | 広島県：厳島神社 |
| LeveL 09/12 | 山口県：錦帯橋 |
| Level 09/12 | 香川県：小豆島 |
| Level 10/12 | 高知県：桂浜 |
===================
京都府：伏見稲荷
===================
【好大嘅鳥居@伏見稲荷大社】
☞ 今日本來唔係去伏見稲荷，不過因為遲起身，所以改改次序。朝早坐京阪電鐵去到伏見稲荷駅，個車站好靚，完全係神社為本嘅建設，日本嘅車站真係好有心思。
☞ 落車沿住路仔一直去，好快就到伏見稲荷大社，門口嘅鳥居超大，後面有個好大嘅大社。個地方都好廣闊，再慢慢行入去啲見到唔同嘅供奉嘅廟堂同買平安符嘅地方。一大遍地方佈滿好多橙色嘅神社建設其實都好靚，而且仲有啲人祈求願望嘅迷你鳥居一個個掛喺度，超得意。
連個車站都係設計都好有伏見稻荷嘅影子，好特別。
【一排排嘅迷宮鳥居@千鳥居神秘迴廊】
☞ 伏見稲荷最大特色係一排排勁長嘅鳥居，去到見到感覺好興奮，不過咁特別嘅地方通常都係超多人，一開始入去第一個鳥居覺得好特別，好似入咗個隧道一樣。望遠啲基本上望唔到尾，只係見到條稻荷一直轉彎，無盡頭一直向前。
☞ 喺裡面實在係太多人，加上入去鳥居裡面個空間太細，所以要影一張好嘅相係好難，即使等人影完好快另一啲人又嚟影。所以自己真係等好耐冇晒人，即時影一張兩張相就要走。喺一條橙色嘅隧道裡面不斷揾出路，中途仲有分岔路，真係好似玩迷宮咁，而且行到咁上下，啲鳥居越嚟越細，係要踎底少少身先過到。不過亦都係呢個部份係最靚，因為啲鳥居排得超密，形成一個好神秘嘅迴廊一樣。
一開始入去就係一個好大嘅鳥居，周邊嘅廣場好大。
好多嚟祈求願望嘅人會用鳥居型嘅願望牌掛喺度，啲牌真係
行入去就係準備進入迴廊嘅地方。
行完一小段都會有一個路口，然後再行入去鳥居裡面。有啲
鳥居越密，連高度都越嚟越矮，行喺嚟都有啲壓逼感，但感
離開小鳥居嘅迴廊，亦都係離開咗最多人嘅地方，之後鳥居
繼續行上去就會見到一個湖，雖然唔太特別，但都係行上去
【好靚嘅遠景@稲荷山】
☞ 過咗呢一排最靚嘅鳥居，之後都可以繼續行，不過鳥居排法就疏咗，同埋係大個咗好多，所以好多人都止步返轉頭。但啲鳥居繼續一直排冇斷過，既然難得嚟，決定繼續向前行。其實當時自己經已身處一個山頭裡面，周圍都係樹嚟。而且開始要行啲石級，有上有落。當時自己都唔知係去緊邊，見有鳥居就向前行。
山中間位置望落去真係好正。
☞ 去到一個位置見到個小型供奉位置，同埋一個湖，終於都可以唞吓。之後就繼續行，開始行得越嚟越攰，要樓梯上去，啲石級越嚟越高。當去到一個位置突然冇咗啲鳥居，倒後一望，原來係伏見市嘅遠景嚟，好靚，不枉自己行到咁遠咁高。附近仲有一啲凳擺咗喺度，當然即刻坐嚟唞吓，而且對住個景，側面仲有啲紅葉映襯真係好靚。
上到去發覺原來自己去咗咁高位置，高處俯瞰市中心實在太
【終於上到山@稲荷山頂】
☞ 周圍望望，見到一個牌有箭嘴同寫住山頂，咁又即刻起程繼續行，因為都上咗山上面，冇理由唔繼續上去。行多陣，路程都唔遠，又見到一個神社，而旁邊就有一個牌寫住“稲荷山山頂”。見到好開心呀，終於上到去山頂，辛苦咗咁耐都值得。
再行上去就係山頂，呢個神社就係地標。
☞ 落山旁邊見到一個買符嘅地方，見到有平時啲人會寫願望落鳥居型嘅牌到，然後掛喺嚟。咁我就走去話買一個呢啲鳥居型嘅牌，就同個主持人講可唔可以拎走，因為始終係當地人掛喺度，唔係俾遊客拎走。咁佢答話可以，咁我就買咗一個拎走囉，當係伏見稻荷嘅一個紀念品，記得仲係賣1000円。
之後行返落山，都係一排排嘅鳥居臨立，好佩服可以有咁多
【行落山食嘢】
☞ 之後休息一陣，開始沿路行落山離開。落到地面，真係仲好多人，嗰陣都已經係三點幾。因為之前上山都冇食嘢，最後入咗間舖頭食碗普通嘅烏冬加豆皮壽司。又喺街食燒竹筍，又幾好食喎，又爽爽地又香。
離開神社就係一條食嘢嘅街嚟，係時候要補充返剛才上山嘅
---------------
伏見稲荷
---------------
☞ 參觀時間: 自由參觀
☞ 參觀費用 :免費
☞ 交通 :
乘坐JR奈良線至稲荷駅下車步行5分鐘。
乘坐京阪本線至伏見稲荷駅下車步行5分鐘。
☞ 網址 : http://inari.jp/
伏見稲荷大社交通介紹
☞ 京都駅出發:
JR京都駅→JR稲荷駅 [5分鐘，140円]
(JR奈良線(奈良行))
*可以使用 "關西地區鐵路周" / "關西廣域鐵路周遊券"*
"關西地區鐵路周" / "關西廣域鐵路周遊券": https://www.westjr.co.jp/global/tc/ticket/pass/
京都駅→丹波橋駅→伏見稲荷駅 [26分鐘，610円]
(京都地下鉄烏丸線(新田辺行)→京阪本線(出町柳行))
*可以使用"關西周遊卡"*
"關西周遊卡" : http://www.surutto.com/tickets/kansai_thru_hantaiji.html
_________________________________________________________
☞ 梅田駅 / JR大阪駅出發:
JR大阪駅→JR京都駅→JR稲荷駅 [49分鐘，840円]
(JR京都線新快速(近江塩津行)→JR奈良線(奈良行))
*可以使用 "關西地區鐵路周" / "關西廣域鐵路周遊券"*
"關西地區鐵路周" / "關西廣域鐵路周遊券"*: https://www.westjr.co.jp/global/tc/ticket/pass/
留言列表
